Reported successfully

តួនាទី និងភារកិច្ច៖

ប្រធានផ្នែកគាំទ្រប្រតិបត្តិការសាខា មានតួនាទី និងភារកិច្ច លើកិច្ចការដឹកនាំ និងគ្រប់គ្រងផ្នែកគាំទ្រប្រតិបត្តិការសាខា ដូចខាងក្រោម៖

• រៀបចំផែនការ ជ្រើសរើស ចាត់ចែង ដឹកនាំធនធានមនុស្ស និងការងារ ក្នុងផ្នែកគាំទ្រប្រតិបត្តិការសាខា ព្រមទាំងវាយតម្លៃលទ្ធផលការងារលើកទឹកចិត្តបុគ្គលិក ឲ្យចូលរួមអនុវត្តការងារប្រកបដោយប្រសិទ្ធភាព និងមានការទទួលខុសត្រូវខ្ពស់តាមតួនាទី ព្រមទាំស្វែងរកឲ្យឃើញចំណុចខ្វះខាតដើម្បីដោះស្រាយ និងកែលម្អឲ្យបានទាន់ពេលវេលា ។
• ដាក់ចេញនូវផែនការយុទ្ធសាស្ត្រការងារច្បាស់លាស់ ត្រឹមត្រូវ និងមានដំណើរការល្អ រលូន និងរៀបចំចាត់ចែងបែងចែកការងារជូនបុគ្គលិកក្នុងផ្នែក ឲ្យមានការទទួលខុសត្រូវខ្ពស់សមស្របទៅនឹងទំហំការងារ ។
• គាំទ្រប្រតិបត្តិការឥណទានរបស់សាខា រួមមាន​៖ ការរៀបចំផែនការ ការដឹកនាំ ការត្រួតពិនិត្យ ការវាយតម្លៃ ការកំណត់នូវបញ្ហា ព្រមទាំងការចាត់វិធានការដើម្បីការពារ និងទប់ស្កាត់ហានិភ័យ ឲ្យបានត្រឹមត្រូវ គ្រប់គ្រាន់ និងទាន់ពេលវេលា ។
• ពិនិត្យតាមដានជាប្រចាំថ្ងៃ នូវបរិមាណ និងគុណភាពឥណទានរបស់សាខា ហើយសិក្សាពីមូលហេតុចម្បងដែលសាខាមិនអាចបញ្ចេញឥណទានបានគ្រប់ផែនការ និងការកើនឡើននៃឥណទានខកខានសង ហើយរៀបចំផែនការសកម្មភាពចុះជួយគាំទ្រដើម្បីស្តារលទ្ធផលការងារឡើងវិញឲ្យបានទាន់ពេលវេលា។
• ពិនិត្យតាមដានបំណុលខកខានសងនៅតាមសាខា​ (បំណុលធម្មតា បំណុលឃ្លាំមើល បំណុលក្រោមស្តង់ដារ បំណុលសង្ស័យ បំណុលបាត់បង់់ និងបំណុលលុបចេញពីបញ្ជី) ហើយចុះជួយគាំទ្រ និងចាត់វិធានការដោះស្រាយ ឲ្យបានទាន់ពេលវេលា និងប្រកបដោយប្រសិទ្ធភាពខ្ពស់ ។
• វិភាគរបាយការណ៍ពាក់ព័ន្ធនឹងប្រតិបត្តិការឥណទានដែលបានផ្ញើមកពីសាខា ដោយស្វែងរកឲ្យឃើញនូវចំណុចខ្វះខាតនានាពាក់ព័ន្ធនឹងកិច្ចការឥណទានរបស់សាខា ហើយចុះជួយគាំទ្រ ដើម្បីពង្រឹង និងកែលម្អ ឲ្យបានទាន់ពេលវេលា ។
• ទទួលបន្ទុកការងារជាថ្នាក់គ្រប់គ្រងស្តីទីនៅសាខា (នាយកសាខាស្តីទី​ ប្រធានភ្នាក់ងារប្រឹក្សាឥណទានស្តីទី នាយកតំបន់ស្តីទី…) នៅសាខាដែលមិនទាន់មានថ្នាក់គ្រប់គ្រងជាផ្លូវការ ឬអវត្តមានថ្នាក់គ្រប់គ្រងនៅទីនោះ ។
• ពិនិត្យតាមដាន និងគាំទ្រលើការអនុវត្តកិច្ចការឥណទាននៅសាខា ដោយធានាថា ការអនុវត្តនោះ ស្របតាមគោលការណ៍ នីតិវិធី និងសេចក្តីណែនាំនានាពាក់ព័ន្ធនឹងកិច្ចការឥណទាន រួមមាន៖ កិច្ចការផ្សព្វផ្សាយ, កិច្ចការបញ្ចេញឥណទាន កិច្ចការប្រមូលឥណទាន និងកិច្ចការដោះស្រាយបំណុល ។
• រៀបចំ និងទុកដាក់លិខិតពាក់ព័ន្ធនឹងវិធានវិន័យ (លិខិតណែនាំ លិខិតព្រមាន លិខិតក្រើនរំលឹក…) ដល់សាខា ក្នុងករណីមានកំហុសនៅក្នុងការអនុវត្តការងារឥណទាន ។
• ពិនិត្យតាមដានដំណើរការនៃការធ្វើប្រតិបត្តិការផ្ទាល់របស់សាខា លើគ្រប់ផលិតផល-សេវាកម្មរបស់គ្រឹះស្ថាន រួមទាំងការបម្រើ និងថែរក្សាអតិថិជនដើម្បីឲ្យមានដំណើរការរលូន និងមានប្រសិទ្ធភាព ។
• សម្របសម្រួលការងារពាក់ព័ន្ធនឹងកិច្ចការឥណទាន ជាមួយសាខា ការិយាល័យ និងនាយកដ្ឋាននានា ។
• ត្រួតពិនិត្យរបាយការណ៍របស់សវនករពាក់ព័ន្ធនឹងកិច្ចការឥណទាន និងធានាថា រាល់ការរកឃើញរបស់សវនករពាក់ព័ន្ធនឹងកិច្ចការឥណទាន ត្រូវបានកែលម្អបានត្រឹមត្រូវ គ្រប់គ្រាន់ និងទាន់ពេលវេលា ។
• រៀបចំកាលវិភាគបណ្តុះបណ្តាល និងមេរៀនសម្រាប់វគ្គហ្វឹកហ្វឺនតម្រង់ទិស វគ្គបំពាក់បំប៉ន និងវគ្គបណ្តុះ  បណ្តាលផ្សេងទៀតពាក់ព័ន្ធនឹងកិច្ចការឥណទាន ។
• អនុវត្តកិច្ចការផ្សេងៗទៀតតាមការតម្រូវការរបស់ថ្នាក់គ្រប់គ្រង ។

ក. គុណវុឌ្ឍិ និងបទពិសោធន៍អប្បបរមា ៖

•  ចំណេះដឹង  :  បរិញ្ញាបត្រ (ជំនាញ: គ្រប់គ្រង /រដ្ឋបាល/ ធនាគារ / ហិរញ្ញវត្ថុ) ឬ ជំនាញពាក់ព័ន្ធផ្សេងទៀត ។

•  បទពិសោធន៍     : ២ឆ្នាំ ផ្នែកគ្រប់គ្រងប្រតិបត្តិការ ធនាគារ ឬស្ថាប័នហិរញ្ញវត្ថុ។

•  ជំនាញ និង សមត្ថភាព:

•  ការយកចិត្តទុកដាក់ល្អ ទៅលើការងារលម្អិត និងជំនាញលើការដោះស្រាយបញ្ហា ជាមួយដំណើរការងារក្នុងរចនាសម្ព័ន្ធ ។

•  ភាពស្មោះត្រង់ និង ជឿទុកចិត្តខ្ពស់។

•  ទំនាក់ទំនងជាភាសាអង់គ្លេសបានល្អ(អាន និយាយ សរសេរ ស្ដាប់)។

•  ជំនាញកុំព្យូទ័រដូចជា Microsoft Office (Excel, Word, Power Point …)