រាយការណ៍ជោគជ័យ

មេហ្គាលីស៊ីង ភីអិលស៊ី គឺជាក្រុមហ៊ុនភតិសន្យាហិរញ្ញវត្ថុដែលត្រូវបានបង្កើតឡើងនៅក្នុងឆ្នាំ២០១៣។ ក្រុមហ៊ុនភតិសន្យាហិរញ្ញវត្ថុ មេហ្គាលីស៊ីង ភីអិលស៊ី មានផ្តល់សេវាកម្មភតិសន្យាហិរញ្ញវត្ថុទៅលើផលិតផលសម្រាប់ប្រើប្រាស់ និងសម្រាប់អាជីវកម្ម ជាច្រើនប្រភេទដូចជា រថយន្ត ម៉ូតូ កង់ ឧបករណ៍អេឡិចត្រូនិក គ្រឿងប្រើប្រាស់ក្នុងផ្ទះ គ្រឿងសង្ហារឹម ឧបករណ៍កសិកម្ម និងគ្រឿងចក្រកសិកម្ម។ បច្ចុប្បន្នក្រុមហ៊ុនភតិសន្យាហិរញ្ញវត្ថុ មេហ្គាលីស៊ីង ភីអិលស៊ី កំពុងធ្វើប្រតិបត្តិការនៅក្នុងទីក្រុង និងតាមបណ្តាខេត្តជាច្រើនទៀតដូចជា រាជធានីភ្នំពេញ កណ្តាល កំពង់ស្ពឺ កំពង់ចាម កំពង់ធំ ត្បូងឃ្មុំ ព្រៃវែង សៀមរាប បាត់ដំបង ប៉ៃលិន បន្ទាយមានជ័យ និងក្រុងព្រះសីហនុ។

ក្រុមហ៊ុនភតិសន្យាហិរញ្ញវត្ថុ មេហ្គាលីស៊ីង ភីអិលស៊ី កំពុងត្រូវការជ្រើសរើសបេក្ខជនដែលមានសមត្ថភាពគ្រប់គ្រាន់ និងមានភាពស្មោះត្រង់ខ្ពស់ ដើម្បីបំពេញមុខតំណែងដូចខាងក្រោម៖

មុខតំណែង៖ មន្ត្រីឥណទាន (២៥នាក់)

រាយការណ៍ទៅកាន់៖ ប្រធានមន្រ្តីឥណទាន

ទីតាំងជ្រើសរើស៖ ភ្នំពេញ, បាត់ដំបង, ព្រះសីហនុ, ប៉ៃលិន, ត្បូងឃ្មុំ, សៀមរាប, កំពង់ចាម, បន្ទាយមានជ័យ, កំពង់ស្ពឺ, កំពង់ធំ 

កាតព្វកិច្ច និងការទទួលខុសត្រូវ៖

• បង្កើតនិងអនុវត្តផែនការលក់ប្រកបដោយប្រសិទ្ធភាព
• ណែនាំអតិថិជនសក្តានុពលយ៉ាងច្បាស់លើផលិតផលភតិសន្យារបស់មេហ្គាលីស៊ីង ភីអិលស៊ី
• អនុវត្តតាមគោលការណ៍ និង នីតិវិធីភតិសន្យា
• សម្រេចនូវផែនការដែលបានកំណត់ទាំងអតិថិជន និង ផលប័ត្រឥណទានប្រចាំឆ្នាំ
• ប្រមូលព័ត៌មានអោយបានគ្រប់គ្រាន់ទាក់ទងទៅនឹងអតិថិជន (ដូចជាអាជីវកម្មរបស់គាត់ និង ប្រភពផ្សេងទៀត)
• វិភាគព័ត៌មានរបស់អតិថិជនដើម្បីធានាភាពគួរឱ្យទុកចិត្ត
• ធានាឱ្យបាននូវគុណភាពខ្ពស់នៃការផ្តល់សេវាកម្មអតិថិជនល្អដល់អតិថិជនរួមទាំងការយល់ព្រម និងការបដិសេធពាក្យ ស្នើរសុំរបស់អតិថិជន
• បង្កើត និង អនុវត្តផែនការតាមដាន / ត្រួតពិនិត្យអតិថិជន
• ទំនាក់ទំនងឱ្យបានទាន់ពេលវេលាជាមួយអតិថិជនដែលខកខានការសងប្រាក់ប្រចាំខែ
• បង្កើតវិន័យឥណទានក្នុងចំណោមអតិថិជន និង ក្រុមការងារ
• មានស្មារតីក្រុមដើម្បីគាំទ្រដល់ការអនុវត្តរបស់ក្រុម
• ចូលរួមប្រជុំជាក្រុមទៀងទាត់ដើម្បីធ្វើបច្ចុប្បន្នភាពបញ្ហាប្រឈម និង រកដំណោះស្រាយធ្វើបច្ចុប្បន្នភាពការផ្លាស់ប្តូរ ក្រុមហ៊ុន និង លើកស្ទួយគំនិតផ្តួចផ្តើមអាជីវកម្ម
• ផ្តល់នូវមតិយោបល់ស្តីពីប្រសិទ្ធភាព និង ប្រសិទ្ធភាពនៃដំណើរការផ្តល់ភិតិសន្យា និង គោលនយោបាយ
• ស្នើសុំទៅអ្នកគ្រប់គ្រងផ្ទាល់ ឫប្រធានសាខាដើម្បីធ្វើការកែលំអរការងារឱ្យកាន់តែប្រសើរឡើង
• ទំនាក់ទំនងការផ្លាស់ប្តូរ ឬធ្វើបច្ចុប្បន្នភាពព័ត៌មានឱ្យបានទាន់ពេលវេលាដល់អ្នកពាក់ព័ន្ធទាំងអស់
• ជួបជាមួយអ្នកពាក់ព័ន្ធសំខាន់ៗដូចជាបុគ្គលិក ហាងផ្គត់ផ្គង់ជនបង្គោលសំខាន់ៗ ក្នុងផែនការដើម្បីថែរក្សា និងពង្រឹង ទំនាក់ទំនងឱ្យកាន់តែប្រសើរ
• ជួបជាមួយអតិថិជនផ្ទាល់ដើម្បីប្រមូលមតិយោបល់ ឬពាក្យបណ្តឹងរបស់អតិថិជន

លក្ខខណ្ឌជ្រើសរើស៖

• យ៉ាងហោចណាស់បញ្ចប់ត្រឹមថ្នាក់វិទ្យាល័យ
• មានការយល់ដឹងខ្លះៗអំពីប្រតិបត្តិការឥណទាននៅក្នុងបរិបទកម្ពុជា
• ជំនាញទំនាក់ទំនងល្អក្នុងការប្រើប្រាស់ភាសាខ្មែរ និងភាសាអង់គ្លេសកាន់តែប្រសើរ
• មានជំនាញល្អក្នុងការដោះស្រាយបញ្ហា ការពន្យល់បង្ហាញពីសេវាកម្មអតិថិជន និងជំនាញលក់
• បទពិសោធន៍ខ្លះក្នុងវិស័យមីក្រូហិរញ្ញវត្ថុ ឬវិស័យធនាគារកាន់តែប្រសើរ
• ការគ្រប់គ្រងពេលវេលាបានល្អ និងអាចធ្វើការក្រោមសម្ពាធបាន
• មានការប្តេជ្ញាចិត្តប្រកបដោយក្រមសីលធម៌ខ្ពស់និងគួរឱ្យទុកចិត្តបាន
• មានជំនាញចរចារនិងជំនាញអន្តរបុគ្គលល្អ
• ទីលំនៅក្នុងតំបន់ក្នុងតំបន់ប្រតិបត្តិការណ៍ជាអទិភាព

ក្រុមហ៊ុនភតិសន្យាហិរញ្ញវត្ថុ​ មេហ្គាលីស៊ីង ភីអិលស៊ី  នឹងធ្វើការផ្តល់ប្រាក់បៀវត្សសមរម្យដែលមានការប្រកួតប្រជែង, ការដំឡើងប្រាក់បៀវត្សប្រចាំឆ្នាំដោយធៀបនឹងគុណសម្បត្តិជាក់ស្តែងបូករួមទាំងអត្ថប្រយោជន៍ជាច្រើនដូចជា ប្រាក់ឧបត្ថម្ភបុណ្យចូលឆ្នាំខ្មែរ និងបុណ្យភ្ជុំបិណ្ឌ, ប្រាក់បំណាច់ឆ្នាំ, ប្រាក់លើកទឹកចិត្តប្រចាំខែ, ប្រាក់អតីតភាពការងារ, ប្រាក់សោធននិវត្តន៍, ការធានារ៉ាប់រង (សុខភាព, គ្រោះថា្នក់​ ២៤ម៉ោង, ធានារ៉ាប់រងអាយុជីវិត), ឯកសណ្ឋាន, ដំណើរកំសាន្តក្នុងស្រុក (រៀងរាល់ឆ្នាំ), កាតទូរសព្ទ័, ប្រាក់ថ្លៃជួលម៉ូតូ និងថ្លៃសាំង, និងការឈប់សម្រាកស្របទៅតាមច្បាប់ការងាររបស់ប្រទេសកម្ពុជា។