អិលអូអិលស៊ី (ខេមបូឌា) ភីអិលស៊ី គឺជាគ្រឹះស្ថានមីក្រូហិរញ្ញវត្ថុធំមួយ ក្នុងចំណោមគ្រឹះស្ថានមីក្រូហិរញ្ញវត្ថុធំជាងគេនៅក្នុងប្រទេសកម្ពុជាដែលបង្កើតនូវលទ្ធផលវិជ្ជមានយូរអង្វែងដល់សហគមន៍តាមរយៈការផ្តល់នូវបរិយាបន្នហិរញ្ញវត្ថុ និងការយកចិត្តទុកដាក់ខ្ពស់ចំពោះអតិថិជនប្រកបដោយនិរន្តរភាព ព្រមទាំងបង្កើតតម្លៃដល់គ្រប់ភាគីពាក់ព័ន្ធ។ ដើម្បីជួយគាំទ្រនូវដំណើរការពង្រីកអាជីវកម្មយ៉ាងឆាប់រហ័ស អិលអូអិលស៊ី​ត្រូវការជ្រើសរើសបុគ្គលិកដូចខាងក្រោម៖

មុខតំណែង៖ មន្ត្រីផ្នែកច្បាប់ដោះស្រាយបំណុល-ជាន់ខ្ពស់ (ចំនួន០៨នាក់) ​(Litigation Officer-Senior Executive)

ទីតាំង៖ សាខាខេត្តសៀមរាប សាខាខេត្តកំពត សាខាខេត្តកណ្តាល សាខាខេត្តកំពង់ធំ សាខាខេត្តតាកែវ សាខាខេត្តបាត់ដំបង
 សាខាខេត្តកំពង់ចាម និងសាខាខេត្តកំពង់ស្ពឺ

ក. ភារកិច្ច និងការទទួលខុសត្រូវ៖

• រៀបចំពាក្យបណ្តឹងតុលាការទាំងរឿងព្រហ្មទណ្ឌ និងរឿងរដ្ឋប្បវេណី។
• ពិនិត្យឯកសារ ពាក្យបណ្តឹង និងភស្តុតាង ដើម្បីធានាបាននូវភាពត្រឹមត្រូវ និងអនុលោមតាមច្បាប់។
• ជាអ្នកតំណាងរបស់អិលអូអិលស៊ី ក្នុងសំណុំរឿងរដ្ឋប្បវេណី និងសំណុំរឿងព្រហ្មទណ្ឌ។
• សហការណ៍ជាមួយមេធាវីជាដៃគូ និងឬដៃគូច្បាប់ ដើម្បីពន្លឿននីតិវិធីតុលាការឱ្យបានឆាប់រហ័ស និងប្រកបដោយប្រសិទ្ធភាព។
• ចូលរួមផ្សះផ្សារជាមួយកូនបំណុល។
• ចូលរួមដោះស្រាយបំណុលយឺតនៅក្រៅប្រព័ន្ធតុលាការ។
• រៀបចំឯកសារគតិយុត្តិផ្សេងៗ ដើម្បីឱ្យសាខាប្រើប្រាស់។
• ផ្តល់ការប្រឹក្សាផ្នែកច្បាប់ដល់បុគ្គលិកពាក់ព័ន្ធ ដើម្បីជម្រុញការដោះស្រាយបំណុលឱ្យមានប្រសិទ្ធភាពខ្ពស់។
• ផ្តល់ការបណ្តុះបណ្តាលដល់បុគ្គលិក ពាក់ព័ន្ធអំពីផ្នែកច្បាប់ រួមទាំងការដាក់បណ្តឹងទៅតុលាការ និងបណ្តឹងនៅក្រៅតុលាការ។
• ធ្វើការងារផ្សេងៗទៀតតាមការចាត់តាំងរបស់ប្រធានផ្នែក/នាយកនាយកដ្ឋាន។

• បរិញ្ញាបត្រផ្នែកច្បាប់ ឬសញ្ញាប័ត្រច្បាប់ដែលបានប្រកាសថាមានតម្លៃសមមូល។
• ជាមេធាវីពេញសិទ្ធិ មានវិញ្ញាបនបត្រសម្បទាខាងវិជ្ជាជីវៈមេធាវី ដែលចេញដោយមជ្ឈមណ្ឌលបណ្តុះបណ្តាល វិជ្ជាជីវៈមេធាវី និងមិនជាប់ទណ្ឌកម្មជាបទវិន័យ។
• មានបទពិសោធន៍ជាជំនួយការចៅក្រម ឬជំនួយការរាជអាជ្ញាត្រូវបានលើកទឹកចិត្ត។
• មានបទពិសោធន៍ធ្វើការផ្នែកច្បាប់នៅធនាគារ ឬគ្រឹះស្ថានមីក្រូហរិញ្ញវត្ថុកាន់តែប្រសើរ។
• មានចំណេះដឹងអំពីគ្រឹះស្ថានមីក្រូហិរញ្ញវត្ថុ និងច្បាប់ពាក់ព័ន្ធឥណទានដូចជា ច្បាប់ដីធ្លី ច្បាប់រដ្ឋប្បវេណីច្បាប់ព្រហ្មទណ្ឌ និងច្បាប់កិច្ចសន្យា។
• មានជំនាញទំនាក់ទំនង ជំនាញចរចារ និងមានសមត្ថភាពក្នុងការធ្វើការងារជាក្រុម។

• ស្រ្តី និងជនពិការត្រូវបានលើកទឹកចិត្ត!