Reported successfully

១. អនុវត្តឱ្យបានត្រឹមត្រូវ ច្បាស់លាស់ និងអភិវឌ្ឍទាន់សម័យជានិច្ចតាមគោលការណ៍ នីតិវិធី ទម្រង់គំរូ និងសេចក្តីណែនាំនានា របស់គ្រឹះស្ថាននិរន្តរ ។

២.   ការងារផ្សព្វផ្សាយ

• សិក្សា និងវិភាគពីតម្រូវការទីផ្សារឱ្យបានច្បាស់លាស់ ដើម្បីលក់ផលិតផល-សេវាកម្ម របស់គ្រឹះស្ថាននិរន្តរ ឱ្យត្រូវចំគោលដៅ និងមានប្រសិទ្ធភាពខ្ពស់ ។
• ផ្សព្វផ្សាយឱ្យអតិថិជនបានយល់ច្បាស់ពីប្រភេទផលិតផល-សេវាកម្ម របស់គ្រឹះស្ថាននិរន្តរ និងឱ្យអតិថិជនយល់ថា “និរន្តរ” គឺជាកន្លែងដែលផ្តល់សេវាហិរញ្ញវត្ថុ មានភាពងាយស្រួល និងមានសេវារហ័សទាន់ចិត្ត ប្រកបដោយសីលធម៌ វិជ្ជាជីវៈខ្ពស់ ។
• ធ្វើការផ្សព្វផ្សាយ ទំនាក់ទំនងល្អជាមួយអតិថិជនទូទៅ អាជ្ញាធរមូលដ្ឋាន អំពីកេរ្តិ៍ឈ្មោះ វប្បធម៌របស់គ្រឹះស្ថាននិរន្តរ ដល់គ្រប់មជ្ឍដ្ឋានក្នុងតំបន់ប្រតិបត្តិការ ក្នុងគោលបំណងកសាងទំនុកចិត្តពីអតិថិជន ។

៣.   ការងារបញ្ចេញឥណទាន

• សិក្សាស្រាវជ្រាវព័ត៌មាន ឱ្យបានត្រឹមត្រូវ ច្បាស់លាស់ និងគ្រប់គ្រាន់ ទាក់ទងនឹងអតិថិជន រួមមានៈ ព័ត៌មានទូទៅ មុខរបរ ចំណូល-ចំណាយ ទ្រព្យសម្បត្តិដាក់ធានា បំណុល... ដើម្បីធ្វើការវាយតម្លៃ និងគណនារកលទ្ធភាពសង  មុននឹងផ្តល់ឥណទាន ដើម្បីធានាបាននូវការសងត្រឡប់វិញមួយរយភាគរយ ។
• សិក្សាប៉ាន់ប្រមាណពីតម្លៃទ្រព្យដាក់ធានា នៅតាមតំបន់ប្រតិបត្តិការ ភូមិ ឃុំ-សង្កាត់... ឱ្យបានត្រឹមត្រូវ និងច្បាស់លាស់ ។
• រៀបចំ និងបំពេញឯកសារឥណទាន ឱ្យបានត្រឹមត្រូវ និងគ្រប់គ្រាន់ ស្របតាមគោលការណ៍ នីតិវិធី និងទម្រង់គំរូ មុននឹងបញ្ជូនទៅអ្នកគ្រប់គ្រងពិនិត្យ និងអនុម័ត ។
• បញ្ចេញឥណទាន ឱ្យបានត្រឹមត្រូវ និងសម្រេចបានតាមផែនការដែ​ លអ្នកគ្រប់គ្រងបានកំណត់ ទាំងចំនួនអតិថិជន បរិមាណនៃការបញ្ចេញឥណទាន គុណភាពឥណទាន....។
• ពន្យល់អប់រំអ្នកខ្ចី អ្នករួមខ្ចី អំពីគោលការណ៍ នីតិវិធី លក្ខខណ្ឌ តម្រូវការចាំបាច់សម្រាប់ការខ្ចីឥណទាន និងការបណ្តុះវិន័យឥណទានជាដើម ។
• ផ្តល់ឥណទានជូនអតិថិជន ដោយរៀបចំឯកសារគាំទ្របន្ថែម ដូចជាៈ ប័ណ្ណបញ្ចេញឥណទាន តារាងកាលវិភាគសងប្រាក់ សាច់ប្រាក់ និងបើកជូនអតិថិជនដល់លំនៅឋាន ប្រកបដោយភាពត្រឹមត្រូវ ច្បាស់លាស់ និងគ្រប់គ្រាន់ ។

៤.  ការងារប្រមូលឥណទាន

• ត្រួតពិនិត្យជាប្រចាំថ្ងៃ នូវបញ្ជីសងប្រាក់ បញ្ជីខកខានសងប្រាក់របស់អតិថិជន ធ្វើការតាមដាន និងចុះទៅដល់លំនៅឋាន ឬកន្លែងប្រកបអាជីវកម្មរបស់អតិថិជន ដើម្បីប្រមូល ឬដោះស្រាយឥណទាន ឱ្យបានទាន់ពេលវេលា ជៀសវាងធ្វើឱ្យបំណុលនោះ ក្លាយជាបំណុលដែលខកខានសងធ្ងន់ធ្ងរ ពិបាកដោះស្រាយ និងឈានទៅដល់ការលុបចេញពីបញ្ជី ។
• ត្រួតពិនិត្យប្រចាំថ្ងៃ នូវរបាយការណ៍ឥណទាន ហើយធ្វើការសិក្សា វិភាគ និងវាយតម្លៃសមតុល្យឥណទានដែលមានហានិភ័យ រួមទាំងគុណភាពឥណទានរបស់ខ្លួន ។ ករណីឥណទានមានបញ្ហាត្រូវចាត់វិធានការ ទប់ស្កាត់ និងដោះស្រាយជាបន្ទាន់ ។
• ទទួលខុសត្រូវលើការបំពេញចំនួនទឹកប្រាក់ដែលខ្លួនបានទទួលពីអតិថិជន ទៅក្នុងប័ណ្ណទទួលប្រាក់ឱ្យបានត្រឹមត្រូវ ច្បាស់លាស់ និងគ្រប់គ្រាន់ ។
• បូកសរុបបញ្ជីនៃការប្រមូលប្រាក់សំណងក្នុងថ្ងៃ និងសាច់ប្រាក់ដែលទទួលបាន ប្រគល់ឱ្យគណនេយ្យករ ដើម្បីបញ្ចូលទិន្នន័យ និងរក្សាទុក ។
• ពន្យល់អតិថិជនឱ្យមកបង់ប្រាក់ដល់សាខាគ្រឹះស្ថាននិរន្តរ  ឬតាមរយៈមន្រ្តីដែលចុះធ្វើប្រតិបត្តិការតាមតំបន់ ជៀសវាងការសងប្រាក់ត្រឡប់យឺតយ៉ាវ ។

៥.   ការងារដោះស្រាយឥណទាន

• សិក្សាស្រាវជ្រាវ ស្វែងយល់ឱ្យបានច្បាស់លាស់ អំពីស្ថានភាពមុខរបរ ការរស់នៅ និងមូលហេតុរបស់អតិថិជន ដែលខកខានសងប្រាក់​ រួចធ្វើការបែងចែកចំណាត់ថ្នាក់ឥណទាន និងកំណត់ប្រភេទអតិថិជនដែលខកខានសងប្រាក់ឱ្យបានត្រឹមត្រូវ ដើម្បីចាត់អាទិភាពក្នុងការដោះស្រាយបំណុលឱ្យមានប្រសិទ្ធភាពខ្ពស់ ។
• ដោះស្រាយរាល់បំណុលអតិថិជន ​ដែលខកខានសងប្រាក់ ឱ្យបានគ្រប់គ្រាន់តាមផែនការ ឬអ្នកគ្រប់គ្រងអាចទទួលយកបាន និងចាត់ចែងការដោះស្រាយបំណុល ត្រូវប្រើឱ្យអស់លទ្ធភាព និងគ្រប់មធ្យោបាយ ដោយអនុវត្តតាមគោលការណ៍ និងនីតិវិធី របស់គ្រឹះស្ថាននិរន្តរ ។

៦.  ពិនិត្យរាល់ភាពអសកម្មការងាររបស់ខ្លួន ដើម្បីធ្វើការកែលំអ និងបំពេញរាល់ចំណុចខ្វះខាត ឱ្យបានទាន់ពេលវេលា ដើម្បីឱ្យការអនុវត្តការងារមានប្រសិទ្ធភាព ។

៧.  ទទួលខុសត្រូវដោះស្រាយរាល់បញ្ហាដែលកើតមានក្នុងរង្វង់តួនាទី ករណីមិនអាចដោះស្រាយបាន ត្រូវរាយការណ៍ជូនអ្នកគ្រប់គ្រងផ្ទាល់ ឱ្យបានទាន់ពេលវេលា ។

៨.  រក្សាឱ្យបាននូវទំនាក់ទំនងល្អ ជាមួយផ្នែកពាក់ព័ន្ធ ទាំងខាងក្នុង និងខាងក្រៅ ដើម្បីធ្វើឱ្យការងារប្រព្រឹត្តទៅដោយរលូន ។

៩.  ទទួលខុសត្រូវធ្វើកិច្ចការផ្សេងៗទៀត តាមការចាត់តាំង ឬតាមតម្រូវការរបស់អ្នកគ្រប់គ្រងផ្ទាល់ ក្នុងសមត្ថកិច្ចតួនាទី ៕

• កម្រិតវប្បធម៌ជាប់ ឬធ្លាក់បាក់ឌុប ឬ ជានិស្សិតឆ្នាំទី១ឡើងទៅ។
• មានភាពស្មោះត្រង់ ម៉ីងម៉ាត់ សុភាពរាបសារ ភាពវាងវៃ។
• មានឆន្ទៈខ្ពស់ក្នុងការបម្រើការងារតាមទីជនបទ។
• មានលក្ខណៈសម្បត្តិល្អ និងមានប្រាស្រ័យទំនាក់ទាក់ទងល្អទាំងខាងក្នុង និងខាងក្រៅ។
• ចេះបើកបរម៉ូតូ។
• ផ្តល់ជូនកន្លែងស្នាក់នៅ ទឹក ភ្លើង.................
• ទទួលបានបទពិសោធន៍ការងារ និងចំណេះដឹង
• មានជំនាញការងារច្បាស់លាស់
• ចេះបង្កើតការទំនាក់ទំនងប្រកបដោយប្រសិទ្ធិភាព
• ចេះធ្វើការងារជាក្រុម
• ឱកាសទទួលបានការដំឡើងឋានៈតួនាទី